Poetry reading

NINDOT ang reaksyon sa katawhan--kadaghanan nga tinun-an ug magtutudlo sa Xavier University--sa gihimong Balaki ko Day/Dong, usa ka poetry reading didto sa XU Little Theater niadtong Pebrero 13, 2007, bisperas gayod sa Adlaw sa Kasingkasing. Nakaingon kong nindot tungod kay moukyab man sila kon balak nang binisaya ang pagabasahon.

Usa ako sa mingbasa og balak. Ang akong gibasa mao ang akong kaugalingong obra nga "Sa karaang casa". Kini nga balak kabahin sa pungpong sa mga balak nga nahukmang mananaog sa Ikatulong Ganti sa 2006 Bathalad-Cebu Literary Awards.

Akong mainitong pasalamat kang Arlene J. Yandug sa iyang pagdapit kanako aron mahimong kabahin sa maong halandomong kalihokan.

Hinaot lain pang susamang kalihokan ang pasiugdahan ni Arlene ug mga kauban.

Tuod, si Arlene usa usab ka creative writer ug napatikan nag balak sa mga nasodnong magasin. Nagtudlo siyag creative writing ug literature subjects sa Xavier University.